छत्रपती शिवाजी महाराजांच्या राज्याभिषेकाला 350 वर्षे पूर्ण झाली आहेत. यंदा शिवराज्याभिषेक दिन मोठ्या थाटामाटात साजरा होत आहे. राज्य शासनामार्फत रायगडावर शिवराज्याभिषेक वर्ष सोहळा मोठ्या उत्साहात साजरा करण्यात येणार आहे.
शिवभक्तांच्या स्वागतासाठी जय्यत तयारी करण्यात आली आहे. उष्माघातापासून बचाव व्हावा यासाठी अगदी रायगडाच्या पायथ्यापासून ते रायगडावर वैद्यकीय मदत केंद्र तयार करण्यात आले आहेत. 25 वैद्यकीय मदत केंद्रात साडे तीनशे अधिकारी आणि कर्मचारी तैनात असतील. रायगडाच्या पायथ्यापासून अगदी गडावर प्रत्येक पाचशे मीटरवर वैद्यकीय मदत केंद्र तयार केले जाणार आहेत. शिवाय उपचारांसाठी आयसीयू बेड्स आणि अॅम्ब्युलन्स सुद्धा तयार ठेवण्यात येणार आहे.रायगडावर शिवराज्याभिषेक सोहळ्याची तयारी पूर्ण झाली आहे. शिवभक्तांच्या सेवेसाठी प्रशासन देखील सज्ज झालं आहे.
