भारतात तांदूळप्रेमी म्हणजेच भात खाणाऱ्यांची संख्या कोट्यवधीच्या घरात आहे. उत्तर भारतापासून ते दक्षिण भारतापर्यंत प्रत्येक घरात भात खाणारे लोक तुम्हाला आढळतील. देशात तांदळाच्या अनेक जाती आहेत. हवामान आणि प्रदेशानुसार शेतकरी वेगवेगळ्या धानाची लागवड करतात. पण आज आम्ही तुम्हाला जो तांदूळ सांगणार आहोत त्याला जगातील सर्वात महागडा तांदूळ म्हणतात.
तांदूळ हे जगातील सर्वाधिक प्रमाणात वापरल्या जाणार्‍या मुख्य अन्नांपैकी एक आहे, 3 अब्जाहून अधिक लोक उर्जेचा प्राथमिक स्त्रोत म्हणून त्यावर अवलंबून आहेत. हे उबदार, दमट हवामानात घेतले जाते आणि जगभरातील अनेक देशांमध्ये हे मुख्य अन्न आहे. हे एक पौष्टिक अन्न आहे जे विविध रंग आणि प्रकारांमध्ये येते, प्रत्येकाची स्वतःची विशिष्ट चव, पोत आणि स्वयंपाक पद्धत वेगळी आहे. त्या महागड्या तांदूळाबद्दल बोलण्यापूर्वी जाणुन घेऊया महाराष्ट्रातील प्रमुख तांदूळ जाती
आजरा घनसाळ, आंबेमोहोर, इंद्रायणी, कमोद, काळी साळ, कोलपी, कोलम (वाडा कोलम), कोळंबा, खडक्या, गरा कोळंबा, गोदवेल, घनसाळ, घुड्या, चिन्नोर, चिमणसाळ, जिरगा, जिरवेल, जिरेसाळ, जीर, झिनी, झिल्ली, टाकळे, डामगा, डामरगा, डोंगर, डोंगरे, ढवळा, तांबकुडय, तांबसाळ, तामकुड, धुंड्या वरंगळ, पटण, पटणी, पठारी कोळंबा, परिमल, पाटणी, पाटनी, पांढरी साळ, बासमती, बुगडी तांदूळ, भोगावती, मालकुडई, मासडभात, माळपटणी, मुडगा, मुंडगा, मुडगे, मुंडगे, मोगरा, रत्‍नागिरी, राजावळ, राता, रायभोग, वरगल, वरंगल, वरगळ, वरंगळ, वाकसळ, वाकसाळ, शेप्या वरंगळ, सकवार, सुरती आणि मुंबई पुण्याकडे मिळणाऱ्या अन्य काही जाती असा लांबच लांब उल्लेख आहे.
या तांदुळाच्या जोडीने मग बांबू तांदूळ, मोगरा तांदूळ, काळा तांदूळ, तपकिरी तांदूळ, सोना मसुरी, बोंबा तांदूळ, इंद्रायणी तांदूळ, लाल मालवाहू तांदूळ, आंबोरिया तांदूळ, व्हॅलेंसिया तांदूळ, चमेली तांदूळ, जंगली तांदूळ, सुशी तांदूळ, जांभळा थाई तांदूळ, लाल तांदूळ, बासमती तांदूळ, असे अनेक प्रकार सांगता येतील. केवळ प्रांतागणिक नाही तर देशानुसार अनेक जाती प्रचलित आहेत.
जगातील सर्वात महाग तांदूळ
किन्मेमाई प्रीमियम हे जगातील सर्वात महागड्या तांदळाचे नाव आहे. त्याची एक किलोची किंमत १२ हजार ते १५ हजार रुपये आहे. हा तांदूळ प्रामुख्याने जपानमध्ये पिकवला जातो. या तांदळाची खासियत म्हणजे त्यात आढळणारे पौष्टिक घटक जे इतर कोणत्याही तांदळात आढळत नाहीत. भारताप्रमाणेच जपानमधील लोकांनाही भात खायला आवडतो, तेथेही अनेक प्रकारचे तांदूळ पिकवले जातात. पण यातील टॉप म्हणजे किनमाई प्रीमियम राइस. तिथले लोक हा भात खास प्रसंगीच शिजवतात.
किन्मेमाई प्रीमियम राइसचे नाव जगातील सर्वात महाग तांदूळ म्हणून गिनीज वर्ल्ड ऑफ बुक रेकॉर्डमध्ये नोंदवले गेले आहे. या तांदळाला जपानसह इतर आशियाई देशांमध्येही मोठी मागणी आहे. अमेरिका आणि युरोपातील काही लोकांना हा भात खायला आवडतो. मात्र, एवढा महागडा तांदूळ असल्याने मध्यमवर्गीयांच्या आवाक्याबाहेरचा आहे. टोयो राइस कॉर्प कंपनी आजकाल हा तांदूळ जगभर विकत आहे. ती तिच्या वेबसाइटद्वारे तसेच इतर ई-कॉमर्स वेबसाइटद्वारे विकत आहे. तुम्हालाही जगातील सर्वात महागडा भात खायचा असेल आणि त्याची चव कशी आहे हे पाहायचे असेल तर तुम्ही तो ऑनलाइन खरेदी करू शकता.
